യൂനിയൻ പബ്ലിക് സർവിസ് കമീഷൻ താഴെപ്പറയുന്ന തസ്തികകളിലായി 18 ഒഴിവുകളിലേക്ക് അപേക്ഷ ക്ഷണിച്ചു:
1. മാർക്കറ്റിങ് ഒാഫിസർ (ഗ്രൂപ് III) (ഒായിൽസ് ആൻഡ് ഫാറ്റ്സ്): മൂന്ന് ഒഴിവ് (എസ്.സി-ഒന്ന്, എസ്.ടി-ഒന്ന്, ജനറൽ-ഒന്ന്) കൃഷി-കർഷകക്ഷേമമന്ത്രാലയത്തിന് കീഴിലെ മാർക്കറ്റിങ് ആൻഡ് ഇൻസ്പെക്ഷൻ ഡയറക്ടറേറ്റിലാണ് ഒഴിവുകൾ. കെമിസ്ട്രി/അഗ്രിക്കൾച്ചർ കെമിസ്ട്രി/ഡയറി കെമിസ്ട്രി/ഡയറിയിങ്ങിൽ ബിരുദാനന്തര ബിരുദമാണ് യോഗ്യത. അല്ലെങ്കിൽ ഒായിൽ ടെക്നോളജി/ഫുഡ് ടെക്നോളജി/കെമിക്കൽ ടെക്നോളജി/ഡയറി ടെക്നോളജിയിൽ ബിരുദം. ഇന്ത്യയിൽ എവിടെയും നിയമനത്തിന് സാധ്യത.
2. വെറ്ററിനറി ഒാഫിസർ: ഒരു ഒഴിവ് (ഒ.ബി.സി) കൃഷി-കാർഷികക്ഷേമമന്ത്രാലയത്തിന് കീഴിൽ മൃഗസംരക്ഷണ വകുപ്പിൽ സെൻട്രൽ കാറ്റിൽ ബ്രീഡിങ് ഫാമിലാണ് ഒഴിവ്. യോഗ്യത: വെറ്ററിനറി സയൻസ്/വെറ്ററിനറിയൻസ് ആൻഡ് ആനിമൽ ഹസ്ബൻഡ്രി ബിരുദം. രണ്ടു വർഷ പ്രവൃത്തിപരിചയം വേണം. സെൻട്രൽ കാറ്റിൽ ബ്രീഡിങ് ഫാമിലാണ് നിലവിൽ നിയമനം.
3. ലേഡി മെഡിക്കൽ ഒാഫിസർ: ആറ് ഒഴിവ് (എസ്.സി: ഒന്ന്, ഒ.ബി.സി: രണ്ട്, ജനറൽ: മൂന്ന്) പ്രതിരോധമന്ത്രാലയത്തിന് കീഴിലെ ഡയറക്ടറേറ്റ് ജനറൽ ഒാഫ് ആംഡ് ഫോഴ്സസ് മെഡിക്കൽ സർവിസസിലാണ് ഒഴിവുകൾ. യോഗ്യത: ഇന്ത്യൻ മെഡിക്കൽ കൗൺസിൽ ആക്ട് ഒന്ന്, രണ്ട് ഷെഡ്യൂൾ അല്ലെങ്കിൽ മൂന്നാം ഷെഡ്യൂളിെൻറ പാർട്ട് IIൽ നിഷ്കർഷിക്കുന്ന മെഡിക്കൽ യോഗ്യത. ന്യൂഡൽഹിയിലാണ് നിയമനം. വനിതകൾക്ക് മാത്രമേ അപേക്ഷിക്കാൻ അർഹതയുള്ളൂ.
4. ജൂനിയർ സയൻറിഫിക് ഒാഫിസർ (ബാലിസ്റ്റിക്): ഒരു ഒഴിവ് (ഒ.ബി.സി). യോഗ്യത: ഫിസിക്സ്/മാത്തമാറ്റിക്സ്/ഫോറൻസിക് സയൻസ് ബിരുദാനന്തരബിരുദം. ബിരുദതലത്തിൽ ഫിസിക്സോ മാത്തമാറ്റിക്സോ ഒരു വിഷയമായി പഠിച്ചിരിക്കണം. ന്യൂഡൽഹി, കൊൽക്കത്ത, ചണ്ഡിഗഢ്, ഹൈദരാബാദ്, ഭോപാൽ, ഗുവാഹതി, പുണെ എന്നിവിടങ്ങളിലെവിടെയുമാകാം പോസ്റ്റിങ്.
5. അസിസ്റ്റൻറ് എൻജിനീയർ: മൂന്ന് ഒഴിവ് (എസ്.സി-ഒന്ന്, ഒ.ബി.സി-ഒന്ന്, ജനറൽ-ഒന്ന്) ജലസ്രോതസ്സ്, നദീവികസനം, ഗംഗാ നവീകരണമന്ത്രാലയത്തിന് കീഴിലെ സെൻട്രൽ ഗ്രൗണ്ട് വാട്ടർ ബോർഡിലാണ് ഒഴിവുകൾ. യോഗ്യത: ഡ്രില്ലിങ്/മൈനിങ്/മെക്കാനിക്കൽ/സിവിൽ/ഇലക്ട്രിക്കൽ എൻജിനീയറിങ്ങിലോ പെട്രോളിയം ടെക്നോളജിയിലോ ബിരുദം. ഇന്ത്യയിൽ എവിടെയും നിയമനത്തിന് സാധ്യത.
6. ജൂനിയർ റിസർച്ച് ഒാഫിസർ: നാല് ഒഴിവ് (ഒ.ബി.സി: ഒന്ന്, ജനറൽ: മൂന്ന്). യൂനിയൻ പബ്ലിക് സർവിസ് കമീഷൻ റിസർച്ച് സ്റ്റാറ്റിസ്റ്റിക്സ് ആൻഡ് അനാലിസിസ് വിഭാഗത്തിലാണ് ഒഴിവുകൾ. യോഗ്യത: സ്റ്റാറ്റിസ്റ്റിക്സ്/ഒാപറേഷനൽ റിസർച്ച്/മാത്തമാറ്റിക്സ്/അൈപ്ലഡ് മാത്തമാറ്റിക്സ്/മാത്തമറ്റിക്കൽ സ്റ്റാറ്റിസ്റ്റിക്സ് ബിരുദാനന്തരബിരുദം. ഇന്ത്യയിൽ എവിടെയും നിയമനത്തിന് സാധ്യത.
ഒാൺലൈനായാണ് അപേക്ഷിക്കേണ്ടത്. അവസാന തീയതി ഒക്ടോബർ 12.
www.upsconline.nic.in ലൂടെ അപേക്ഷിക്കാം. 25 രൂപയാണ് അപേക്ഷഫീസ്. എസ്.സി, എസ്.ടി വിഭാഗക്കാർക്കും ശാരീരിക വെല്ലുവിളികൾ നേരിടുന്നവർക്കും വനിതകൾക്കും ഫീസില്ല. www.upsconline.nic.in ൽ Online Recruitment Application (ORA) for Various Recruitment Posts വിഭാഗത്തിൽ കൂടുതൽ വിവരങ്ങൾ ലഭിക്കുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.