ആകെ 263 പോളിങ് ബൂത്തുകൾ, ഡ്യൂട്ടിക്ക് 1,264 ഉദ്യോഗസ്ഥർ; നിലമ്പൂർ വിധിയെഴുത്തിന് സജ്ജം

മലപ്പുറം: നിലമ്പൂർ നിയമസഭാ മണ്ഡലത്തിലെ ഉപതെരഞ്ഞെടുപ്പിന് വ്യാഴാഴ്ച പോളിങ് ജോലിക്കായി റിസർവ് ഉദ്യോഗസ്ഥരടക്കം 1,264 ഉദ്യോഗസ്ഥരെ നിയോഗിച്ചുവെന്ന് മുഖ്യ തിരഞ്ഞെടുപ്പ് ഓഫീസർ ഡോ. രത്തൻ കേൽക്കർ അറിയിച്ചു. പോളിംഗ് ബൂത്തിലേക്ക് നിയോഗിക്കപ്പെടുന്ന ഉദ്യോഗസ്ഥർ ബുധനാഴ്ച ചുങ്കത്തറ മാർത്തോമ ഹയർ സെക്കൻഡറി സ്കൂളിൽ സജ്ജമാക്കിയ വിതരണ കേന്ദ്രത്തിൽനിന്നും പോളിങ് സാമഗ്രികൾ കൈപ്പറ്റി ബൂത്തുകളിൽ എത്തിച്ചേർന്നു.

19ന് വോട്ടെടുപ്പ് കഴിഞ്ഞശേഷമുള്ള സാധന സാമഗ്രികൾ തിരികെ മാർത്തോമ ഹയർ സെക്കൻഡറി സ്കൂളിൽ എത്തിക്കും. ആകെയുള്ള 263 പോളിങ് ബൂത്തുകളിൽ ഏഴ് ഇടങ്ങളിലായി 14 ക്രിട്ടിക്കൽ പോളിങ് ബൂത്തുകളാണ് കണ്ടെത്തിയിട്ടുള്ളത്. ഇവയിലേക്ക് ഏഴ് മൈക്രോ ഒബ്സർവർമാരെക്കൂടി നിയോഗിച്ചിട്ടുണ്ട്. 263 ബൂത്തുകളിലേക്കായി 263 പ്രിസൈഡിങ് ഓഫിസർമാരേയും 263 ഫസ്റ്റ് പോളിങ് ഓഫിസർമാരേയും 526 പോളിങ് ഓഫിസർമാരേയും വിന്യസിച്ചിട്ടുണ്ട്.

മൂന്നാഴ്ച നീ​ണ്ടുനി​ന്ന വാ​ശി​യേ​റി​യ പ്ര​ചാ​ര​ണ​ത്തി​നൊ​ടു​വി​ൽ ചൊവ്വാഴ്ചയാണ് നി​ല​മ്പൂ​രിൽ കൊ​ട്ടി​ക്ക​ലാശം ന​ട​ന്ന​ത്. ബുധനാഴ്ച നി​ശ​ബ്ദ പ്ര​ചാ​ര​ണ​മാ​യിരുന്നു. ഭ​ര​ണ​വി​രു​ദ്ധ​വി​കാ​രം വോ​ട്ടാ​കു​മെ​ന്ന് യു​.ഡി​.എ​ഫും സ​ർ​ക്കാ​രി​ന്‍റെ നേ​ട്ട​ങ്ങ​ൾ​ക്ക് ജ​നം പി​ന്തു​ണ ന​ൽ​കു​മെ​ന്ന് എ​ൽ​.ഡി​.എ​ഫും ആ​ത്മ​വി​ശ്വാ​സം പ്ര​ക​ടി​പ്പി​ക്കു​ന്നു. ഗെയിം ചെയ്ഞ്ചറായി പി.വി. അൻവറിന്റെ രംഗപ്രവേശവും ജയപരാജയങ്ങളെ സ്വാധീനിക്കും. എ​ൻ​.ഡി.​എ, എസ്.ഡി.പി.ഐ സ്ഥാനാർഥികൾ സ്വന്തമാക്കുന്ന വോട്ടുകളിലെ ഏറ്റക്കുറച്ചിലുകൾ ആർക്ക് ഗുണകരമാകുമെന്നും കണ്ടറിയണം.